Jop ka Ummulong iaka Phramer haka semifinal kaba nyngkong ka District Cricket League ka WJHDCA

Syllad | The Rising MeghalayaMay 1, 2024

Ka Ummulong Cricket Club ka lah ha kaban buh jaka ialade haka final hadien ba kala pynliem da 230 run pyrshah iaka Phramer CC haka semifinal kaba nyngkong jong ka District Cricket League kaba pyniaid da ka West Jaintia Hills Cricket Association (WJHDCA) kaba long ha madan Khliehtyrshi haka 1 tarik Jymmang.

Ka Ummulong Cricket Club kaba la jop iaka toss bad kam trai shuwa ban tied bad kala buh iaka 327 run na ka 35 Over bad liem 6 wicket.

U Sylvester Mylliempdah ula kylla long u namtam hadien ba ula khyrwit haduh 88 run na ki 63 bol kaba la biang pura ia u ban khur iaka nam Man of the Match. Nalor u Sylvester, u Chongtre I man Lamare ula kamai 45 run naki 30 bol.

U Deimiki Rabon ka Phramer ula khur 2 wicket naka 7 over.

Haba beh iaka thong ka Phramer kam shym la ioh iaka ban seng nongrim ban kamai run bad kala liem wicket uwei hadien uwei bad haduh ba kut kala kama 96 run na ka 19 over.

U Pyrkhat Sari ula lah ban tied 38 run naki 37 bol, katba u Pynskhem Phawa ka Ummulong ula pynliem 4 wicket na ka 3 over.

Ka jingiakhun Semi Final kaba ar kan long haka 2 tarik Jymmang hapdeng ka Mupliang Cricket Club bad ka Efty United XI Mynso.