Jop ka Umshangïar bad Moodymmai haka T20 Cricket ka AJCA

Syllad | The Rising MeghalayaMarch 16, 2021

Ka Umshangïar bad ka Moodymmai kila khur jingjop haka lympung ïalehkai kaba tip kum ka Open To All T20 Cricket Tournament ba la pynïaid da ka All Jaintia Cricket Association kaba long ha madan Jrisalein, Chutwakhu, Jowai ha sngi ba Ar.

Kane ka la wan hadien ba ka Umshangïar ka la pynliem noh ïaka Chutwakhu katba ka Moodymmai ka la pynliem noh ïaka Hills United Cricket Club.

Haba phai sha ka jingïakhun hapdeng ka Chutwakhu bad Umshangïar, ka Chutwakhu ka la jop ïaka jingkynting pisa bad ka la kam trai ban tied nyngkong. Haka jingïakhun kala lah ban tied haduh 154 run na ki 20 Over bad ka la hap noh 6 Wicket.

U Sambor Chyrmang ula kamai 45 run (5×4 bad 4×6), u Heimonmi Nongpluh, 41 run (6×4 bad 1×6) khlem out. U Heisar Bareh bad u Heipormi Laloo jong ka Umshangiar ki la ïoh khur mar 2 wickets.

Ka Umshangïar ka la lah ban beh ïaka thong haka 20 over bad ka la kamai 156 bad ka la hap noh 8 wikets.

U Marshal Pariat ula kamai 46 run (6×4 bad 3×6), u Dauru Lato pat ula kamai 37 ron (6×4 bad 2×6) katba u Unipaya Pala bad u Heimonmi Nongpluh jong ka Chutwakhu ki la ïoh ban pynhap mar 2 wickets na ki 4 Over.

Ka jingïakhun hapdeng ka Moodymmai pyrshah ïaka Hills United Cricket Club, ka Moodymmai ka la jop da 31 run. Ïaka jingkynting pisa (Toss) la jop da ka Moodymmai bad ka la kam trai ban tied nyngkong.

Ka Moodymmai kaba tied nyngkong ka la kamai haduh 166 run na ki 20 overs bad ka la hap noh 7 wickets.

U Pyndap Lamin ula kamai 75 run (8×4 bad 5×6), u Chanmiki Ryngkhlem bad u Lekini Jat ki la ïoh pynhap mar 3 wickets ïaka Hills United Criket Club.

Ka Hills United Criket Club haba beh ïa ka thong ka la ïoh kamai 135 run naki 19 over bad ka la hap baroh ki wicket.

U Yoohimitre Patwet ula ïoh kamai 55 run (7×4 bad 3×6), u Daowan Passah jong ka Moodymmai ula ïoh khur 4 wickets na ki 4 overs.

Ka jingïakhun haka 17-03-2021 kan long hapdeng ka Ummulong pyrshah ïaka Rising Star. Ka 4-Mowkaïaw United pyrshah ïaka Khliehtyrshi Sports Club.