Jop ka V Sports haka sngi sdang iaka 1st T10 8 A-side Cricket ka LYSA ha Jowai

Syllad | The Rising MeghalayaApril 9, 2022

Ka V Sports kala khur jingjop pyrshah iaka Lion Sports & Youth Affairs (LYSA) haka sngi sdang ka ïalehkai cricket kaba tip kum ka “1st T10 Tennis Ball Knockout 8 A-side Cricket Tournament” kaba pyniaid da ka Lion Sports & Youth Affairs (LYSA) kaba long ha madan Biar Skur, Mission Compound, Jowai.

Ïa kane ka jingialehkai cricket kaba mar 8 ngut la wan ban plie pyrda da u Dr M Nongpluh kum u kongsan haka jingïadonlang u MDC ka thaiñ u Awhai Andrew Shullai, ki nongïalam shnong, ki dkhot nongkitkam ka LYSA bad ki katto katne ki riew paidbah haka jingïalang kaba la pynïaid da u president ka Lion Sport And Youths Affairs u Donkupar Synkrem.

Haba phai sha ka jingïalehkai ka V Sports ka la jop ïaka jingkynting pisa bad ka la jied ban kawang bol nyngkong. Ka LYSA kala buh iaka thong kaba 67 run bad liem lut baroh 8 wicket.

Haba poi ka pali jong ka V Sports ban beh iaka thong kala pyndep hapoh 6 over bad jop da 3 wicket.