Jop ka YBSC Shella haka Invitation Knock Out Football Tournament ka Wahiajer

Syllad | The Rising MeghalayaSeptember 24, 2024

Ka YBSC Shella kala khur jingjop da kaba pynliem iaka CB Kharsati da 2-0 haka jingialehkai 8th Invitation Knock Out Football Tournament kaba pyniaid da ka Wahiajer Sports Club ha madan Wahiajer Sports Complex haka 24 tarik Nailur.

Ia kine ki kol jong ka YBSC Shella la thep da u Rebanson Marpna haka minit kaba 22 bad u Naresh Laitmon haka minit kaba 67.

Iaka khusnam ‘Man of the Match’ la khur da u Naresh Laitmon.

Ka jingialehkai kaba bud kan long haka 26 tarik Nailur hapdeng ka Golden Lion pyrshah iaka Sohphoh SC haka por 2:30 baje nohphai sngi.