Jop ka Young Lad’s da 49 run iaka Evergreen haka District Cricket League ka WJHDCA

Syllad | The Rising MeghalayaApril 26, 2025

Ka Young Lad’s kala pynliem da 49 run pyrshah ïa ka Evergreen Mukhla Mission ha ka jingïalehkai District Cricket League kaba pyniaid da ka West Jaintia Hills District Cricket Association (WJHDCA) kaba long ha madan Khliehtyrshi haka sngi Saitjain.

Ka Young Lad’s kala tied nyngkong bad kala kamai 197/10 na ki 30 over. U Heiyomiki Ryngkhlem marwei ula synniang 46 run na ki 39 ball kynthup iaki san tylli ki 4s bad kawei ka 6s. U Heiyomiki ula ioh ruh iaka jingkyrshan na u Eshan Siangshai uba la kamai 29 run na ki 46 ball. Na kaliang ki nongkawang ball ka Evergreen u Kamkini Sari ula khyrwit 4 wicket na ki 7 over.

Haba beh iaka thong kaba 198 run ka Evergreen la lap ba ki nongtied jong ka kim shym lah ban shan ha ki nongkawang ball ka Young Lad’s bad kim shym la ioh iaka jingsdang kaba paka bad duh noh 4 wicket bad kamai tang 6 run na ka 4.4 over.

U Enshelter Suna marwei ula neh slem ha madan bad kamai run suki suki iala kynhun kaba haduh ba kut kala kamai haduh 148 run bad liem lut baroh 10 wicket na ka 29.5 over.

U Enshelter ula kamai 40 run na ki 47 ball kynthup saw ki 4s bad2 tylli 6s. Kiwei pat ki nongtied kiba la synniang sha ka jingkamai run ka Evergreen ki dei u Constancy Syngkon bad u Conrad Sana kiba la kamai mar 21 run.

Katba ki nongkawang ball ka Young Lad’s u u Namewanki Pakyntein bad Maremdor Sutnga kila khur mar lai wicket. U Maremdor ula khur iaka khusnam man of the match.

Ka jingialehkai kaba bud  kan long haka 28 tarik Iaiong hadpeng ka Phramer pyrshah iaka Ummulong haka por 9 baje mynstep.

Jop ka Mupliang da 8-wicket iaka West Jaintia Police haka District Cricket League ka WJHDCA