Jop ka YSW Pynthor bad ka Mynsngat haka Third Div ka WJDSA

Syllad | The Rising MeghalayaJuly 12, 2023

Ka Youth Social Welfare Pynthor bad ka Mynsngat pyrshah iaka Tpepale bad Loompyrdi Iongpiah haka jingiakhun Third Division Football kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

Ka Youth Social Welfare Pynthor kala jop da 3-1 iaka Tpeppale. Ia kine ki lai kol la thep da u u Chival Lipon 9′ bad u Hynriew Ryngkhlem 15′ & 49′ . Shikol ka Tpepale la thep da u Lamdame Sumer 69′.

Ka Mynsngat kala jop da 2-0 iaka Loompyrdi Iongpiah. Ia kine ki ar kol la thep mar shikol da u Pyndap Pyrtuh 32′ bad u Heltwiss Pyrtuh 37′.

Artylli kiwei pat ki jingiakhun kila kut da kaba iakhaid. Ka Lumchyrmang Mihmyntdu pyrshah iaka SCSC Nonglatem kala kut khlem don mano mano ba ioh pynkhih jar, katba ka jingiakhun kaba khatduh jong ka sngi hapdeng ka Nangbah Pohshnong pyrshah iaka Mukhla Umlangshor kala kut da 1-1. Ka Nangbah Pohshnong kala thep shuwa lyngba u Lakhon Dkhar 5′ bad ka Mukhla Umlangshor kala pynphai pat lyngba u Treibah Sumer 70′