Jop Khimusniang Chutwakhu Mookynphad Sohmynting & Chilliangraij haka Independence Cup ka WJDSA

Syllad | The Rising MeghalayaAugust 5, 2022

Ki khynnah ialehkai jong ka Khimusniang, Chutwakhu, Mookynphad Mihmyntdu, Sohmynting bad ka Chilliangraij kila khur namjop haka lympung ialehkai football Under-17 Independence Day Cup kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Thohdieng.

Haba phai sha ka jingiakhun ka Khimusniang kala jop da 4-1 iaka Lumpyrtuh Mihmyntdu. Ia kine ki saw kol la thep da u Lammida o Dkhar (30), Heiminmiki Dkhar (34), Banshan Lytan (46) bad u Meroily Lytan (57). Shikol ka Lumpyrtuh Mihmyntdu la thep da u Kdupmiki Rymbai (71).

Ka Chutwakhu kala jop da 3-0 iaka Tpeppale. Ia kine ki lai kol la thep da u Ethan Suting (6), Satur June (19) bad u Damehi Rngad (55).

Kawei pat ka jingiakhun ka Mookynphad Mihmyntdu kala pynliem da 2-0 iaka Demthring. Ia kine ki ar kol la thep da u Honesty Phawa (5) bad u Evening Tariang (51).

Ka Sohmyntinig kala pynliem da 1-0 iaka Sabahmuswang. Ia kane ka kol la thep da u Pyniolad Pohleng (32).

Haka jingiakhun kaba khatduh ka Chilliangraij kala jop da 4-0 iaka Nangbah Sports Association. Ia kine ki saw kol la thep mar shikol da u Iakisalanmi Lanong (41), Dashngain Dkhar (48), Seibok Tariang (49) bad u Hambert Dkhar (56).

Ka jingiakhun lashai ka sngi kaba dei artad ka jingiakhun ba khatduh jong ka wat kaba nyngkong shuwa ban jam sha ka pre quarter final kan long hadpeng ka Evergreen Mukhla pyrshah iaka Lumkyrwiang, ka Mynthong pyrshah iaka Iawmulong Nartiang, ka Catholic Youth Mihmyntdu pyrshah iaka Caroline Colony bad ka Mookyrdup pyrshah iaka Mukhla Raij.