Jop kput ka Newhill haka Third Division ka WJDSA

Syllad | The Rising MeghalayaJuly 13, 2023

Ka Newhill kala jop kput haduh 12-0 iaka Salaroh haka jingiakhun Third Division Football kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Palei.

Ha kane ka jingiakhun la mih paw ar tylli ki hattrick kaba la ioh khyrwit da u Samson Swer 7′, 9′, 23′ & 36′ bad u Hamewnbha 20′, 48′ & 61′. Kiwei pat kiba ioh thep kol ki dei Eleven Biam 25′, Meri Suchen 35′ & 42′. Dawanbiang Laloo 39′ bad u Stevenson Phawa 59′

Ha kawei pat ka jingiakhun ka Mookswan Dongnein kala jop 1-0 iaka Myrjai. Ia kane ka kol la thep da u Jeremy Shylla 31′.

Ka Lumbhahdhakha kala pynliem da 3-0 iaka Riatsaliya Mihmyntdu. U Gideon Mukhim 6′, 50′ bad Sumarlangki Suting 68′ kila ioh ban thep ia kine ki lai kol.

Haka jingiakhun kaba khatduh jong ka sngi, ka Moodop Royal kala jop 1-0 iaka Pammanik. U Harveststar Dhar ula thep ia kane ka shikol haka 47′.