Jop suk U Thombor ïaka shuki CEM

Syllad | The Rising MeghalayaMarch 7, 2019

JOWAI: U Ma Thombor Shiwat MDC Nartiang Umladang sa shisien ula ïoh bat biang ïaka shuki CEM jong ka Jaiñtia Hills Autonomous District Council (JHADC) khlem don mano mano ba ïakhun pyrshah haka jingjied CEM ka konsil kaba long ha īing dorbar haka sngi Palei.

Baroh ki MDC kiba kren kila kitbok kitrwiang bad ai ka kyntien kyrkhu kyrdoh ia u ma Thombor ba un lah ban king ïaka JHADC.

U Ma Thombor Shiwat haba kren ula kyntu ïa baroh ki para MDC ban don ka mynsiem ban tynrong ïaka jingkitkhlieh ban iatreilang ïaka miat ka bha ka konsil baroh kawei ha kum kane ka por ba hiran ka ïoh ka kot khnang ban lah ban weng iaki jingeh.