Jop u Dabit bad ka Happiness iaka Republic Day Run ha Jowai

Syllad | The Rising MeghalayaJanuary 26, 2024

U Dabit Dkhar bad ka Happiness Phawa kila long ki lahduh haka Republic Day Run kaba pynlong da ka ophis u Deputy Commissioner, West Jaintia Hills District ha ryngkat ka jingiatreilang bad ka ohis u DSO, Jowai haka 26 tarik Kyllalyngkot.

Ka nam lahduh ba ar na ki shynrang la ioh rah da u Teiboklang Biam bad u Dasaman Kyndait, katba na ki kynthei la ioh rah ka Monlangki Kyndait bad ka Heiniwanki Nongbah.

Baroh kine ki nongjop ki dei na ka shnong Sabahmuswang, lait noh ka Monlangki Kyndait na Mihmyntdu bad ka Heiniwanki na Nongkynrih.

Ki nongshimbynta baroh ki don haduh 157 ngut kynthei bad shynrang. La kaweh iaka lama shuwa ban sdang kane ka Republic Day Run da u DSO, ma Khroobok Passah haka jingiadonlang u vice president WJDSA Patrick Lamare, L Nartiang Branch Manager Meghalaya Cooperative Apex Bank, Ummulong Branch kiba la sam iaki khusnam sha ki nongjop.