Jot ka surok bah NH 6, dawa maramot ka Umkiang na ka NHAI

Syllad | The Rising MeghalayaJune 11, 2020

U Secretary Shnong jong ka shnong Umkiang u Nicholas Lyngdoh, ula ong baka surok bah National Highway 6, kaba iaid lyngba ka shnong Umkiang bad pyniasoh iaka jylla Assam, Tripura bad kiwei kala jot bad kala donkam kyrkieh ban maramot ban lait naka jingmynsaw jingmynsnam.

Ula ong ba ka Dorbar Shnong Umkiang, ka pynpaw ia ka jingsngew bynniaw halor ka jingjot rathai ka surok bah NH 6 kaba ba iaid lyngba ka Shnong Umkiang tang hadien ba wan u lap ba jur ha u bnai Jymmang.

Kane ka jingsniew jong kane ka surok ka la pynlong ia ki paidbah ba iaid ba ieng ban ia kynduh jingeh namar ba dap um ka surok na ki thliew ki syar nalor ka ktieh bad ka pum pum kaba lah ban ktah ruh ia ka koit ka khiah jong ki briew.

“Ka dorbar shnong Umkiang kala dawa na ki bor ba dei peit jong ka NHAI ban maramot kloi ia kane ka surok khnang ban myntoi u paidbah ba iaid ba ieng,” ong u Nicholas bad la dawa ruh na ka NHAI ba kan pynkhuid ia ki bynta ba sharud ka surok bad wanrah ka khuid ka suba ha baroh shilynter ka surok.