Yn rakhe ka JSU iaka jingdap 50 snem, wer sngewbha iaki dkhot ba rim

Syllad | The Rising MeghalayaApril 29, 2022

Ka Jaintia Students’ Union (JSU) haka 30 tarik April 2022 kan khyllie pyrda iaka jingdap 50 snem (1972-2022) ka jingiaid lynti jong ka.

Ia kane ka prokram khyllie pyrda yn pynlong ha District Library Auditorium, Jowai.

Halor kane ka JSU ha u kyrwoh bala pyllait da u Treiborlang R Suchen general secretary JSU Central body ula khot wer ia baroh ki dkhot bad nongialam barim ka JSU ba don shajngai ne shajan ban pynphuh pynphieng iaka jingrakhe iaka jubilee.

U kongsan bad symbud kongsan ban iadonlang ki dei ki president barim ka JSU ba kynthup ia u Dr. WR Kharlukhi uba long ruh u MP Rajya Sabha bad u Ma Garland Rymbai.