Julor phom ka skul SSA ha Jowai ba tap ka khyndew

Syllad | The Rising MeghalayaMay 27, 2020

Kawei ka skul SSA- ka Rud Myntdu LPS SSA kala julor phom hadien ba kala shah tap haka khyndew kaba la twa haka sngi ba Ar naka jingwan lyngshop ka eriong Amphan kaba la wanrah slap ba jur uba la ther tyngeh ha kylleng ka West Jaiñtia Hills District.

Kane ka skul ka hap hapoh u pud u sam ka ka shnong Caroline Colony, Jowai.

La iathuh ba kane ka skul kala julor phom hadien b aka khyndew kala twa halor kane ka skul kaba don haka jaka kaba long riat. La lap ba ki ba baroh ki tiar ki tar kum ki benshong, ki desk bad kiwei kiwei ki kot ki sla ki la shah tap lut haka khyndew kaba la twa.

Ka Kong M Pakyntein, Head Teacher, Rud Myntdu LPS SSA kala pynpaw iaka jingbynñiaw halor kane ka jingjia kaba la ktah bad wanrah jingeh ia ka skul bad ka bor pyniaid jong ka skul ban shna biang ia kane ka skul.

Ka Kong M Pakyntein, ka la iathuh ruh ba ki khynnah ba wan ha kane ka skul ki dei na ki longiing ba duk (BPL) kumta ka da kyrpad ruh ia ki bor sorkar ba peit ia skul bad ka kam pule puthi ba kin shimkhia ban leh ei ei ban nym ktah iaki khynnah kiba pule ha kane ka skul.