Julor u synsar ba shah bam shngiam haka ding, iap ki masi

Syllad | The Rising MeghalayaFebruary 8, 2021

Ki nongrep ka Shnong Lumputhoi ba hap hapoh ka Elaka Rymbai, East Jaintia Hills District ki mad ka jingsngewsih kthang namar ka jingshah thang dusmon u synsar bala thad ha ki jaka rep.

Haba ïakren bad u Waheh Shnong Lumputhoi u Bah Saian Lyngdoh, ula ïathuh ba kane ka jingjia ka la jia haka 6 tarik mynta u bnai haka por kumba 1.00 baje nohphai. La iathuh ba ba haka por bala pluh ding katei ka jaka rep ki nongrep ka shnong Lumputhoi ki dang leit iaki synsar na kiwei ki jaka.

Ki nongrep synsar kiba la shah ktah ki long ka Moit Lyngdoh, ka Kordor Lyngdoh, Prim Langdoh, u Henry Langdoh, ka Rila Langdoh, bad u Bar Lyngdoh.

Ula ïathuh ba ha kane ka jingshah thang dusmon ki synsar ki thylliej ding kala ïoh ruh ban bam shngiam ïaki hajar tylli ki diengkseh kiba dang lung.

U Bah Langdoh ula kyrpad ïaki bor sorkar ba kan shimkhia ban wad ki lad ki lynti ban pynïoh jingïarap ïaki nongrep kiba la shah ktah ha kane ka jingjia.

Shuh shuh ha kawei pat khubor ha kane ka juh ka shnong 6 tylli masi kynthup ia ki ar tylli ki masi bala pun khun kila iap ei ei haka sngi U Blei (7 tarik Rymphang) naka jingpluh ding ka sem masi. Kane ka jingjia kala jia namar ka jingpur na ka ding naka jaka bala thang u nongap masi ban shong syaid ding namar ka jingkhriat.

Pynban ula kum klet ban pynlip bad kane ka ding kala pur sha sem bad bam duh ia kitei ki masi. Kine ki masi ki dei jong u ma Yielding Lyngdoh.

Ha kine ki ar tylli ki jingjia ka jingjulor kala kot da ki lak tyngka.