Jur ka khaïi masi tuh sha Bangladesh, kurup 303 masi & shahkem 6 ngut ha kine ar bnai

Syllad | The Rising MeghalayaMay 7, 2019

JOWAI: Ka jingkhaii masi tuh sha Bangladesh katba nang mih ki sngi ka nangjur bad tang ha ki ar bnai, ha u bnai Lber bad Iaiong 2019 la ïoh kurup haduh 303 tylli ki masi kiba thmu ban pynkam sha shilliang ïa u pud India Bangladesh.

Kiba bun kine ki masi ba shah kurup ki dei na ka thain Mukutapur BOP kiba hap haka Dawki Police Station.

Dangshen ha u bnai Iaiong 24,  ki shipai ïada khappud BSF kiba na ka Muktapur BOP kila ïoh kurup 13 tylli ki masi na ki 2 tylli ki trok kiba ïaid lyngba ka surok Amlarem Muktapur. La kem ruh ïaki 6 ngut ki briew kynthup ki nongniah kali, nongbud bad ki suba nongpynkam ïaki masi sha shilliang u pud bad kine ki briew ki dei ki trai shnong na Pdesngshakap, Amlarem, Pynthorlangtein bad na Ri Bhoi.

Shuh shuh haka 21 tarik u Iaiong ki shipai BSF jong ka Nongkhen BOP kila kurup 2 tylli ki masi dab.

Ha kaba iadei bad kane ka jingioh kurup masi la register case ha Dawki Police Station bad la pyngngat haka kyndon ain ba lehbein iaki mrad ki mreng PCA Act.

La bthah ïa baroh ki trai kiba jah masi, shah tuh masi ban wan mih ha thanad ban pyndep iaki jingdonkam ka aiñ