Jur ka pressure ngi ai NOC ban ker sainar shiah ong u Ma Thombor, dawa pyndam u ma Holando Lamin

Syllad | The Rising MeghalayaNovember 19, 2021

U Ma Thombor Shiwat Chief Executive Member (CEM) jong ka Jaintia Hills Autonomous District Council (JHADC) haka dorbar tlang kaba long haka sngi Thohdieng ula ong ba jur ka pressure (jingpynbor) naka bor synshar district ka West Jaintia Hills ka konsil kala hap ban ai NOC ban ker sainar shiah.

U Ma Thombor ula ong haba jubab iaka jingkylli hato don em ka NOC kaba ai ka konsil halor ban shim jaka ban ker sainar shiah khappud Indo Bangladesh Border Fencing. Ula ong ruh ba kila ai iaka NOC da ka jingshah pynbor khnang baka jingker sainar shiah ha khappud India Bangladesh kan iaid beit.

Halor kane u Ma Holando ula ong kumno ka konsil kala ai NOC haba bun ki jaka u paidbah kan shah ktah bad ka jaka ka heh haduh 6000 haduh 8000 acre jaka rep jaka riang. Ula ong ruh ba haka jingialang paidbah halor ka jingker sainar shiah ka bor district hapoh ka jingpyniaid u DC la ong baka jingker sainar kan long katkum ka sur u paidbah.

U Ma Holando ula dawa naka konsil ban pyndam iaka NOC bad kyntu iaka konsil ban pynbeit shuwa ia kane ka kam bad ki trai jaka kiba shah ktah haka jingker sainar shiah ha War Jaintia.

U Ma Thombor ula ong ba la ai iaka NOC katkum ka shithi kaba la ioh na ka bor synshar district bad ba un sa shong pyrkhat biang ia kane kam bad u la kular ban iakren bad u DC ka West Jaintia Hills.