Jurip bad pynkhuid ka PTEDS ia ki bynta ka Syntu Ksiar bad surok, ap ka kuna ia kiba leh pyrshah

Syllad | The Rising MeghalayaSeptember 2, 2024

Ka Panaliar Tourism & Environmental Development Society (PTEDS) haka 31 tarik Nailar kala pynlong iaka jingjurip iaki jaka ba ladep pynkhuid bad ha kajuh kapor la pynkhuid ia ki ba dangsah ki bynta ka Syntu Ksiar naduh na lai lad Wah Langhung ban leit sha Kiang Nangbah Memorial Park.

Ha shwa ban pynkhuid ladon ka jingialang lyngkot ba la pyniaid da u Wombai Sumer, President, PTEDS’ La ioh jingkren na u General Secretary Panaliar u Bah Marryngkat Syngkon bad ka jingai khublei da u Hawamut Challam, Secretary, PTEDS. Ha kane ka sngi la iadonlang ruh u Waheh Chnong Panaliar Riquoma Rq Laloo.

U Bah Marryngkat Syngkon, u la iathuh ba kine ki sngi ba lah dep, ka shnong ka la phah pynkhuid da kaba ai nongsngi ia ki briew, ban pyni ia ka jinglong trai ia kitei ki jaka jong ka Syntu Ksiar. U la kyntu ia baroh ki paralok najan najngai, kiba wan sha kine ki jaka, ban iaid kai pyngngad ba kim dei ban bret pathar ia ki jakhlia kat shaba lap ha baroh shi lynter ka Pynthorwah bad khamtam ki bynta ka Syntu Ksiar.

U la ong ruh ba, ka shnong kan pynshitom bad daiñ kuna da kaba heh bha, ia kiba khwai ha ki bynta ka Syntu Ksiar, yn pynshitom ruh ia kiba leh pyrshah ia ki aiñ shnong.

“Ka jingleh khuid kadei ka dawai ban pynkhuid ia ka lyer kaba ngin ring pynhiar mynsien, to ngin lehkguid ha baroh shilynter kitei ki jaka jong ka Pynthorwah,” ula bynrap.

U Secretary jong ka PTEDS Bah Hawamut Challam, u la ai khublei ia u bah Barima Laloo, uba la ialam sngewbha iaki briew jong u ban pynkhuid ia baroh shilynter ka surok kali kaba imat ymdon Muster Roll shuh ban peit ban pynkhuid.