Jurip ka Myntri Koit Khiah iaka Civil Hospital Khliehriat

Syllad | The Rising MeghalayaAugust 15, 2023

Ka Myntri ka Koit ka Khiah Kong Ampareen Lyngdoh haka sngi ba Ar kala jurip iaka Civil Hospital Khliehriat.

Ka Kong Ampareen kala jurip ia kane ka hospital hadien ka jinglehkmen Independence Day ha Khliehriat. Ha kane ka jingjurip ka Kong Ampareen la iadonlang u MDC Musniang Rangad Phasmon Dkhar, ki nongialam ka JSU Khliehriat circle kiba kynthup ia u president Livingson Sana, vice president Winson Salahe , general secretary Ajoymenson Lyngdoh bad kiwei kiwei ki nongkitkam bad dkhot.

Ka JSU kala kam ba ka myntri kala iakynduh khnang iaki ban leit peit iaka jingduna ka Civil Hospital Khliehriat.

Ka Myntri kala la lap dalade iaka jingduna jong kane ka jaka sumar bad kala iakynduh ruh iaki nurse, ki doctor bad ia U DMHO bad kala kular ban pynheh ia kane ka Hospital bad ban pynbiang iaka jingshakri ban myntoi u paidbah ka thain, la ong ki nongialam ka JSU.

Na kaliang ka JSU kala ong ba kan iai bud dien ia kane ka jingkular ka Myntri ban myntoi u paidbah uba la duh iaka hok mynta la bun bun snem.