Jyllei ka kam tuh umphniang kali ha Jowai

Syllad | The Rising MeghalayaAugust 12, 2021

Ki runar kiba ym lah satia ban ithuh kila sdang biang ban kyndang iaki kali motor jong ki briew ha kiba bun ki jaka ha sor Jowai.

Kane ka jingjia kala haka sngi Palei bad ha ki kyndiat sngi kiba la dep ha kylleng ki shnong ha sor Jowai. Kane ka jingjia kala jia ha Ladthadlaboh, Dongmihsngi, Mynthong, Mission Compound (Pohskur) bad kiwei kiwei ki jaka.

Kine ki runar kila kyndang iaki kali bad rong tuh katba kaba ki ioh napoh kali nalor ba kila ot iaki pipe umphniang ban seituh iaka umphiang kali kaba pynjulor ia bun tylli ki kali.

“Bun tylli ki kali ngi lap ba ki la shah ot u pipe umphniang. Tang hynnin ka sngi ruh ki don haduh 10-15 tylli ki kali kila shah ot pipe umphniang bad mynta ka sngi san tylli ki kali. Kine ki kali kila wan ban theh umphniang, pynban marsien theh iaka umphniang ka shlei shabar ka tanky,” la ong ki nongtrei petrol pump ha Jowai.

La suba jur ba kine ki runar ki don da ka kynhun namar ka rukom tuh ruh ka dei haka por ba shuwa ban shai ka bneng.