Jynrat ki runar sa ia ki maw ba kdew kilometer haki shnong khappud Assam Meghalaya

Syllad | The Rising MeghalayaAugust 16, 2021

Ki runar kibym lah satia ban ithuh ha kine ki khyndiat sngi kila jynrat ia ki maw ba kdew ia ka Kilometre ha surok Khanduli Hamren.

Ki nongialam shnong marsien ioh jingtip haka 14 tarik une u bnai kila leit jurip bad kila lap ba u maw ba kdew iaka Kilometer ha Zero Point Khanduli ula shah jynrat bad shah pynpait pynpra phom.

Ki nongialam shnong ka thaiñ khappud Assam Meghalaya kynthup iaka Khanduli, Saitsama, Umplu, Pdeintalu, Umshangiar bad kiwei kiwei haka jingiadonlang u Chairman Lapangap Khanduli Border Area JAC u Pyrkhatbha Pyrphet bad ki riew rangbah ba kynthup ia u Balajied Kshiar, Iarap Dkhar kila hair jurip ia kine ki maw bad pynrem ia kane ka kam leh dusmon.