Jynrat naphang ki paid Karbi bad Pulit Assam iaki dieng palat 800 tynrai ha Lapangap kiba ioh naka JICA

Syllad | The Rising MeghalayaJuly 13, 2023

Ka kynhun ki paid Karbi ryngkat bad Pulit Assam haka sngi Balang kila wan hiar bad jynrat naphang haduh 800 tylli ki tynrai kiba la thung haka shnong Lapangap dansghen.

U Waheh Shnong Lapangap u ma deimonmi Lyngdoh ula iathuh ba kine ki dieng ki dei kiba la ai da ka Meghalaya Basin Development Authority (MBDA) lyngba Japan International Cooperation Agency (JICA) na ka bynta ban pynjyrngam iaki lum ki wah kiba syllen ha kane ka shnong.

Ula ong ba ki paid Karbi kila wan haka por kumba 12 mynsngi haka sngi Balang bad jynrat naphang kine ki dieng kiba thung dang shibnai mynta. Ula ong ba kila thung haduh 21000 tynrai ki dieng ha kane ka jaka kaba la tip kum ka Lum Moo Pyrdet Pynthor.

Ka dorbar shnong kala pyrshah jur ia kane ka jingwan thombor ki paidbah Karbi shapoh shnong poh thaw tang naka bynta ban ioh kyntur pud kyntur sam sha Meghalaya.

Halor kane ka jingjia na kaliang ka shnong kala ujor sha u Deputy Commissioner, West Jaintia Hills bah BS Sohliya ban kyntu ia u ban shimkhia ban tuklar ia kane ka jingwan thombor u Karbi.