Ka ABVP kam dei ka seng Hindu ong ki nongialam ha Meghalaya

Syllad | The Rising MeghalayaOctober 25, 2022

Ka Akhil Bharatiya Vidyarthi Parishad (ABVP), West Jaintia Hills ka la pynlong da ka jingai jinghikai ne Training Camp na bynta ki dkhot bathymmai jong ka ha Iungwalieh ka Dorbar shnong Chiliangraij, Jowai haka sngi Saitjaiñ, ka taiew bala dep.

Ha kane ka jingai jinghikai la phiah haki saw bynta kaba la shimbynta 140 ngut ki dkhot kiba thymmai na kylleng ka Rilum Jaintia.

U Dr. Sashankutlang Khongthohrem State President ka ABVP Meghalaya, haka jingkren ula ong ka ABVP kadei ka seng kaba trei na bynta ki khynnah bad bun ki khynnah pule ki wan shakhmat ban long ki dkhot jong ka khamtam na Rilum Jaintia naduh kiba dang pule Higher Secondary, ki Graduation bad kiwei kiwei ki kyrdan pule.

Ula ong ba ka ABVP kam dei ka seng Hindu, hynrei bun ki briew ki sngewthuh bakla ba ka ABVP kadei ka seng niam ne ka seng ki Hindu bad ula pynshai ba don shibun kiba na kiwei ki jait niam ki long dkhot haka synjuk ABVP bad ki bat kam ruh hapoh ka seng.

Ula pyntip ba ka seng ka juh pynlong ïaka State Training Camp hynrei na ka daw ka jingbym shah ka kam la pynlong noh tang ka District Training Camp bad kum kane ka jingai jinghikai yn pynlong ruh ha Khasi Hills bad East Jaintia Hills.

Kiwei kiba la ai jingkren ki dei u Skhemjingmut Law uba long kum u nongkyrshan ka seng ABVP bad u Nibiang Sumer State Organizing Secretary ABVP