Ka Batbitbha Bareh ka National Referee kynthei ba nyngkong eh na East Jaintia Hills

Syllad | The Rising MeghalayaJune 17, 2024

Ka Batbitbha Bareh ka la kylla long ka kynthei kaba nyngkong eh napoh East Jaintia Hills District ban ioh long National Referee haka Football hadien ba kala pass iaka iaka National Examinations (Level 5).

Ha ka shithi sha u General Secretary ka Meghalaya Football Association (MFA), u Director of State Referee ka All India Football Federation (AIFF) u la pynbna ba ka Batbitbha Bareh ka la lah ban pyndep ia baroh ki sawtylli ki bynta jong ka National Examinations (Level 5) na ka bynta u snem 2024, kata kaba kynthup ia ka Fitness, Theory, Practical, bad Viva exam.

Ha kawei pat ka liang u Bulmi Phawa na ka West Jaintia District Sports Association (WJDSA) ruh u la pyndep ia ka eksam na ka bynta ka NE 2023.

Nalor kata, ka Batbitbha Bareh ka dei ruh kaba la pyndep ia ka diploma course ha ka Sports Coaching ha ka Football na ka SAI Netaji Subhas Eastern Centre, Kolkata, ha u snem 2019.

Na ka liang ka East Jaintia Hills District Football Association (EJHDFA) bad ka West Jaintia District Sports Association (WJDSA) ki la ai ka jingkhublei kaba kyrpang ia baroh ki arngut ki referee bad kyrmen skhem ba kin ioh ia ka jingjop ha ki jingktah jingktah ki jong ki por ki snem ki ban wan.