Ka Cabinet Retreat kam dei ban long ka jingduh nong ia ka pla tyngka u paidbah: Pala

Syllad | The Rising MeghalayaJanuary 13, 2025

U nongialam ka Congress u Bah Vincent H Pala ha ka 11 tarik Kyllalyngkot u la pynpaw halor ka jingdonkam ia ka sorkar jylla ba kan pynthikna ba ka jingpynlong ia ka Cabinet Retreat kasm dei ban long ka jingduh nong ia ka plang tyngka u paidbah.

Haba kdew halor ka jingialang ba ar sngi jong ka kynhun Myntri ha Sohra, u Bah Pala u la ong ba um long pyrshah ia ka jingmut ban pynlong ia ka jingialang jong ki Myntri ha ki jaka bapher bapher.

“Wat ka Congress ha Maharashtra ruh ngi ju don ia ka cabinet ha ki jaka bapher bapher kata haba pynthikna ba phi don ia ka pisa. Nga tharai ka sorkar jylla ka dei ban lah ban kyrshan namar wat ka jylla kaba heh ruh ka lah ban leh. Hynrei ngam long pyrshah halor ka jingpynlong ia ka cabibet ha ki jaka bapher bapher da kaba pynthikna ba kan ym don ka jingpynlut kaba kham heh,” u la ong haba kren sha ki lad pathai khubor.

“Nga tharai kane ka dei ka kabu ia ka sorkar ban kamai lane ka kabu ia ki ban pynlong ia phi ba phin iohi namar kawei ka cabinet nga iohi ba ki la pynlut da ki klur tyngka, kumta nga hap ban peit ia ka long ka man ha ka liang ka pisa tyngka lem kumta ka jingmut kam long kaba sniew, hynrei ha kajuh ka por ngi dei ban peit ia ka pla jong ngi ruh la ngi long kiba tbit bad la ngi lah ne em ban pynneh ia kane ka jingmut. Teng teng ki jingmut ki long kiba bha hynrei hato ka long kaba treikam bad hato ngi lah ne em ban pyntreikam khlem da pynduh nong ia ki paidbah,” u la bynrap.