Ka Chiehruphi SS, Musniang SS bad Khliehriat HSS ki lahduh haka District Level Subroto Cup ha East Jaiñtia
KHLIEHRIAT: Ka Chiehruphi SS, Musniang SS bad ka Khliehriat HSS kila ioh ban rah ïaka nam lahduh jong ka District Level Subroto Cup Football Tournament kaba pyniaid da ka ophis u District Sports Officer East Jaiñtia Hills hadien ba kila jop haka jingiakhun final kaba long haka sngi Balang haka madan football ka East Jaintia Football Association (EJFA) ha Deinchynrum, Khliehriat.
Kine ki lai tylli ki skul kin mihkhmat ïaka East Jaiñtia Hills District sha ka State Level kaban sa long shen.
![](https://www.syllad.com/wp-content/uploads/2024/09/JIT-Vacancy-823x1024.avif)
Haka ka jingiakhun final ki khynnah shynrang haka Under-17 Boys’, ka Chiehruphi Secondary School kala pynliem da 2-0 kol pyrshah ïaka Musniang Secondary School.
Ka jingiakhun jong kine ki arliang mamla kalong kaba iakhaid bad ka sur ïalehkai jong ki kalong kaba ithynnad kaba la pynhun ïaki paidbah ba wan sakhi ïaka jingiakhun. Ka Chiehruphi wat la kala jop ïa kane ka jingïakhun, hynrei kala hap ban iakhun tyngeh bad pyrshang har rukom haduh bala ioh ban thep ïakitei ki ar kol.
Haba phai sha ka jingiakhun final Under 14 snem ka Musniang Secondary School kala jop da 1-0 kol pyrshah ïaka Rymbai Government Secondary School.
Na ki kynthei pat Under-17 pat ka Khliehriat Higher Secondary Schoool kala pynliem da 1-0 iaka Rymbai Govt Secondary School.
U Kongsan uba wan ban sakhi bad sam ïaki khusnam sha ki lahduh u dei u Dr. J Lakiang District Medical Health Officer, East Jaiñtia Hills District haka jingïadonlang u ma Khroobok Passah, District Sports Officer, East Jaiñtia Hills, CDPO Khliehriat Block Kong Ripaia Passah, U James Sutnga Working President EJHDFA, R Shadap General Secretary SBSA, ki nonghikai bad Headmistress jong ki school bapher bapher kiba iarap shikatdei eh ban pynlong ïa kane ka lympung kaba jop.
Leave a Reply