Ka Congress ka donkam ïaki nongialam ba pawkhmat ka Jylla
SHILLONG: U nongaiktien ka Congress ha Jylla, u Bah HM Shiangpliang u la pynpaw baka party Congress ka pdiang sngewbha bad ka donkam ïaki nongialam ba pawkhmat ka Jylla ban pynïasoh sha ka party.
Ha kajuh ka por ula ong ba lada u Bah Ardent Miller Basaiawmoit u rai ban pynïasoh bad ka Congress na ka liang ka party kan pdiang sngewbha ïa u sha ka party.
![](https://www.syllad.com/wp-content/uploads/2024/09/JIT-Vacancy-823x1024.avif)
U Bah Ardent Miller Basaiawmoit u dei u nongialam rangbah barim ka seng Hills State Peoples Democratic Party (HSPDP) bad dang shen u la iehnoh ïa kane ka party, hynrei kala don ka jingai ksai ba u bah Ardent ulah ban pyniasoh sha ka Congress.
U Bah Shiangpliang u la ong, “Ngi donkam ia ki nongïalam kiba biang bad lada ki rai ban wan pynïasoh sha ka party, ngi pdiang sngewbha khamtam kum ïa u Bah Ardent sha ka Congress.”
Ka jingkhang jong ka Congress ka plie iaki nongialam ba paw hapoh ka Jylla lada na ka liang ka party kaba ki don kim khein briew shuh ïa ki.
U Bah Ardent ym pat ai ka rai, hynrei shen yn sa pynbna, la ong u Bah Shangpliang.
Leave a Reply