Ka Congress kadei ka party jong ki Muslim: Sanbor Shullai

Syllad | The Rising MeghalayaApril 8, 2019

JOWAI: Ka Congress kadei ka party kaba ieng bad iada tang na ka bynta jong ki Muslim, ong u Bah Sanbor Shullai kyrtong MP ka BJP na ka Shillong Parliamentary Seat.

Ia kane ula kren haka jingialang kaba la long ha Iawpynsin, Wahiajer haka sngi Saitjain.

Haka por ka jingsynshar jong ka Congress, ka Pakistan ka leh katba ka mon namar ka Congress kam nud ban hiar thma pyrshah iaki seng kieng atiar ka Pakistan bad kane hi ka paw shai ba ka Congress kadei ka party kaba ieng ban iada iaki  Muslim, ong u Bah Sanbor.

Ula ong ruh ba haba ki kaikhlaw jong ka ri Pakistan ki thombor iaki shipai jong ka ri India, ka Congress haka por ka jingsynshar jong ka haka jaka ba kan hiar thma iaki, ka pynpaw pynban ba ka kwah ia kata ka jingsuk katba ki shipai ka ri naka por sha ka por ki shah hiar thma ha ki seng kieng atiar ka Pakistan.

Hynrei haba la wan ka sorkar ka NDA kaba ialam ka BJP hapoh ka jingialam jong u Myntri Rangbah duh ka Ri u Narendra Modi ki kaikhlaw jong ka Pakistan kila suki namar ki sheptieng iaka sorkar bakhlain jong u Narendra Modi.

“Iaka ri India la synshar bun bun snem da ki Gandhi Family kiba im suk im saiñ hapoh ki iing paki dulan”, ong u Bah Shullai bad namara kane kim sngewthuh ia u shiah ba thar iaki paidbah kiba donkam shibun ka jingiarap na ka sorkar khamtam u duk u rangli uba im daka rep ka riang haki thain nongkyndong.