Ka Congress kan pyndam ïa ka CAB lada poi ha ka bor

Syllad | The Rising MeghalayaJanuary 22, 2019

SHILLONG: Ka liang pyrshah ka Congress Party ka la ong ba kan pyndam ïa ka CAB lada ka poi ha ka bor ha ka Lok Sabha election. U Mukul Sangma u la ong ba lada ka Congress ka wan ha ka bor ha ka Election Lok Sabha 2019, kan shim ïa ka jingai jingmut jong  baroh na ka bynta ban pyndam ïa ka CAB.

Ka Sorkar pdeng hapoh ka jingsynshar jong ka BJP ka la passed ïa ka CAB kaba kane ka aiñ ka ailad ïa ki mynder nabar ka ri kum na Bangladesh, Afghanistan bad Pakistan ban wan buhai shnong sha ka ri jong ngi, kane ka aiñ ka long kaba la pyrshah da bun ki sengbhalang jong ka Shatei Lammihngi jong ka ri wat ha ka jylla Meghalaya.

U Dr Mukul u la ong “kane ka ain ka pyni ka jungduna ha ka jingstad khamtam haba iohi  ïaki jingeh ba la mad da ki jylla Shatei Lammihngi ba la wanrah  da kane ka Sorkar pdeng”. U la ong ruh ”ba kumno ka Sorkar Pdeng ka  pyrshang ban pynkylla  ïa ka Assam accord kaba da ki bun bun snem la don ka jingia umsnam na ka bynta ban khanglad ïa ki bar ri ban wan rung sha ka ri jong ngi”.