Ka dei ka jingtorti ka MeECL ba shah tan bording ki shipara: Congress Mowkaiaw

Syllad | The Rising MeghalayaMarch 11, 2021

Halor ka jingjia kaba sngewsih kaba la jia 10/03/2021 haka shnong Umsalait, West Jaintia Hills Distric ha kaba ki arngut ki hep rit kiba dei shipara trai kila shah bat haka bording electric tad haduh ba kila duh eh iala ka jingim kaba kordor, na ka liang ka 4-Mowkaiaw BCC ka suba jur ba kane ka lah ban dei naka daw jongka jingtrei torti bad ka jingkhein sting ki nongtrei ka tnad bording MeECL ha kapor ba pyndait iaki wire light ha ki post.

Ka 4-Mowkaiaw BCC kala dawa naki bor pyniaid District ban pynlong daka jingtohkit kaba bniah khnang ban lap iaki jingshisha baroh. Bad haka juh ka por ngi dawa ba ka tnad MeECL kumjuh ka Sorkar kadei ban pyrkhat naka bynta ban ai iaki lad jingiarap sha kane ka longiing kaba mat ia kane ka apot.

Bun sien ngi juh iohi dala ki jong ki khmat halor ka jingshah ieh bein bad leh bym suidniew ka tnad MeECL ia ki shnong lane ki thain kiba sha nongkyndong wat ha pdeng ka jingpyntip bad ka jingujor naki bor shnong lane na ki riew shimet ruh.

Kane ka jingkhein stieng jong ka tnad MeECL khamtam ia kito ki Post light kiba la sarang bad pei thliew kumjuh ki tyllai kiba la jan dkut, khlempep kan buh iangi ki briew ha pdeng ka jingma namar ki lah ban kyllon bad dkut ha kano kano ka por ba wan ka lyer bad u slap ba kham jur.

Kumta, ka tnad MeECL bad ka Sorkar ka dei ban shimkhia bha halor kine ki bynta, ym ban shimkhia tang ha ka ban pyrkhing ha ka bill light, khnang ba kum kine ki jingjia kin ym wan jia shuh nangne shakhmat.

Khatduh eh ka 4-Mowkaiaw BCC ka phah iaka khubor sngewlem sha ki kmie ki kpa bad kiba ha iing ha sem jong kine ki hep rit kiba la khlad noh ba U Blei ka jingsuk un pyntngen iaki bad iai donlang ryngkat bad ki.

Da u Cleverson Shadap Manner
Publicity Secretary
4-Mowkaiaw BCC