Ka Dorbar Kur jong ka Kur Lamare Jaiñtia Pyllun kan long ha ka shnong Barato

Syllad | The Rising MeghalayaDecember 19, 2023

Ka Kur Lamare Jaiñtia Pyllun (KLJP) kala pyntip ba kan pynlong ia ka Dorbar Kur (General Meeting) kaba San (5) ha ka 17 January (Kyllalyngkot) 2024 ha ka shnong Barato, West Jaiñtia Hills District, por 11 baje mynstep.

Ha kane ka jingiakynduh ba shisien shisnem kin sa don ki jingkren kum ki jingsneng jingkyntu na ki ba bun ki riewpawkhmat jong ka Kur, kumjuh ruh bad ka rwai ka shad khamtam na ki khun samla ka kur.

Ha kane ka sngi kan sa don ruh ka jingai khusnam sha ki khun jong ka Kur kiba lehbha ha ki exam bapher bapher lane PhD na kino kino ki board naka bynta u snem 2022-23.

Kiba lah ban ioh ia kane ka khusnam ki dei ban pass kumne Matriculation 80% shaneng, HSSLC 70% shaneng, Bachelor’s Degree 60% shaneng, Master Degree 60 %shaneng bad PhD

la ki kot ki sla (Marksheet) ban pynshisha, phah sha u Secretary ka Kur Lamare Jaiñtia Pyllun, u Shanbor Lamare da kaba shon bha bad phah lyngba ka “Whatsapp” ha une u number 7005874528, 6909061569 ha lane shwa 09 January 2024.

Kumta ban pynphuh pynphieng ia kane ka Dorbar Kur, ka Kur ka ia wer ia baroh ki khun ki hajar jong ka Kur Lamare kiba hapoh u pud u sam jong ka Ri Lum Jaiñtia bad na kiwei kiwei ruh ban ia wan sha kane ka Dorbar (meeting) ha kane ka sngi.