Ka dorbar kur jong ka Kur Lamare Jaintia Pyllun ha Jowai

Syllad | The Rising MeghalayaFebruary 13, 2023

Ka Kur Lamare Jaiñtia Pyllun (KLJP) kala pyntip ba kan pynlong ia ka Dorbar Kur (General Meeting) ha ka 8 March (Lber) 2023 ha ka shnong Jowai, West Jaiñtia Hills District, por 11 baje mynstep.

Ha kane ka jingiakynduh ba shisien shisnem kin sa don ki jingkren kum ki jingsneng jingkyntu na ki ba bun ki riewpawkhmat jong ka Kur, kumjuh ruh bad ka rwai ka shad khamtam na ki khun samla  ka kur kiba don hapoh ri Bangladesh.

Ha kane ka sngi kan sa don ruh ka jingai khusnam sha ki khun jong ka Kur kiba lehbha ha ki exam bapher bapher lane PhD na kino kino ki board naka bynta u snem 2021-22.

Kiba lah ban ioh ia kane ka khusnam ki dei ban pass kumne Matriculation 80% shaneng, HSSLC 70% shaneng, Bachelor’s Degree 60% shaneng bad PhD

la ki kot ki sla (Marksheet) ban pynshisha, phah sha u Secretary ka Kur Lamare Jaiñtia Pyllun, u Shanbor Lamare da kaba shon bha bad phah lyngba ka “Whatsapp” ha une u number 7005874528, 6909061569 ha lane shwa 28 February 2023.

Kumta ban pynphuh pynphieng ia kane ka Dorbar Kur, ka Kur ka ia wer ia baroh ki khun ki hajar jong ka Kur Lamare kiba hapoh u pud u sam jong ka Ri Lum Jaiñtia bad na kiwei kiwei ruh ban ia wan sha kane ka Dorbar (meeting) ha kane ka sngi.