Ka Grant T.1 lakh haduh T.5lakh ia kiba don iaka jingstad tynrai bad ki buit thymmai | Pule kumno ban ioh iaka pisa

Syllad | The Rising MeghalayaMarch 5, 2022

Ka MBMA lyngba ka CLLM projek kan ai jingkyrshan ia ki riewshimet ne ki kynhun na ka jylla Meghalaya ia kiba don ia kino kino ki rukom trei ne jingstad tynrai ne rukom pyrkhat thymmai (Traditional Knowledge and Innovation) kiba lah ban wanrah ia ka jingkylla ha kano kano ka liang ban iada bad ban sumar sukher la ki spah mariang.

Kine ki kam ki lah ban iadei bad ka kam rep ka riang, ka jingbam jingdih, ka jingiada ia ki mrad ki mreng ne ki jingthung jingtep kiba la sdang ban duh jait, ka khuid ka suba bad kiwei kiwei.

Ka jingkyrshan ne ka Grant kan long T. 1,00,000/- haduh T. 5,00,000/- tyngka hadien ba la pynshong nongrim halor ka jingiahap jong ka kam.

Kino kino ki riewshimet ne kynhun kiba la pyrshang ia kum kine ki jait kam, phi lah ban leit mih sha ka ophis jong ka BASIN (CLLMP), West Jaintia Hills District kaba don ha ka mala kaba lai ha DC Ophis (Room. 157, 3d Floor, DC Office).

Ban tip kham bniah, phone ha kine ki nombar 8097805865/8787784149.