Ka iakop bhabriew Miss Lukha haka 3 Rymphang

Syllad | The Rising MeghalayaJanuary 15, 2023

Ka Sonapyrdi Tourism and Economic Development Society (STEDS) kan pynlong biang iaka 3rd Lukha festival kaba la ai kyrteng haka wah Lukha haka 3 bad 4 tarik u Rymphang 2023.

Kane ka tamasa ba arsngi, ka jingthmu jong ka kalong ban kyntiew iaka kam jngohkai ha katei ka thain bad ban wanrah iaka lad iohkam iohjam ki samla katei ka thain bad ban ialap ban tyngkai iaka jingbuh jingsat ka mariang.

Ha kane ka tamasa yn pynlong ruh iaka iakop bhabriew “Miss Lukha” bad ka jingpyrshang ne audition kan long ha Wika Restaurant bad Yalana Hotel haka 27 bad 28 tarik haka por 1-4 baje nohphaisngi.

Ka jingiakop bhabriew ha kan long haka 3 tarik Rymphang harud ka wah Lukha bad ka khusnam iaka lahduh ka long T.30 hajar bad kaba wan ba ar bad ba lai kalong T.20 hajar bad T.10 hajar.

Ha kane ka tamasa ki dun shibun jait ki prokram nalor ka put ka tem bad ka jingpynkhreh iaki bam bapher bapher bad ki jingialehkai.

Iaki jingtip ba khambniah phone ha kine ki number 8787897288, 9774485583, 7005364784, 9366200028, 8787566798.