Ka iakop siat khnam tynrai ha Jowai

Syllad | The Rising MeghalayaDecember 20, 2021

Ka West Jaintia District Sports Association (WJDSA) kan pynlong iaka iakop siat khnam tynrai kaba nyngkong eh kaba la tip kum ka Traditional Archery competition haka 28 tarik une u bnai Nohprah haka por 10 baje mynstep ha Kiang Nangbah Stadium, Ladthadlaboh, Jowai.

Kan don ka khusnam pisa ia ki nongjop kaba kynthup iaka Double T.4000 bad T.3000 bad Single T.2500 bad T.1500 marwei.

Kane ka jingiakhun kan long tang na ka bynta ki shynrang bad kino kino kiba kwah iashimbynta kin hap ban siew iaka bai rung T.200 iaka double bad T.100 iaka single.

Ki khnam ban pyndonkam kilong tang mar 5 tylli marwei la ha ka single ne double. Baroh ki nongiashimbynta ki dei ban wanrah iala ka jong ki khnam bad ryntieh.