Buh jaka ka Iawmulong Nartiang ka West Madan Mustem haka semifinal ka 2nd Div ka WJDSA

Syllad | The Rising MeghalayaAugust 4, 2022

Ka Iawmulong Nartiang bad ka West Madan Mustem ki dei sa ar tylli ki kynhun kiba lah ban buh jaka haka kyrdan semifinal haka lympung ialehkai 2^nd Division Football- 5^th Debo Shullai Memorial Trophy kaba pyniaid da ka West Jaintia District Sports Association (WJDSA). Kane kala wan hadien ba kine ki ar kynhun kila jop haka jingiakhun quarter final kaba long haka sngi Palei ha Kiang Nangbah Stadium.

Haba phai sha ka jingiakhun ka Iawmulong Nartiang kala jop da 6-3 pyrshah iaka Phramer. U Sambormi Nongtdu ula the par kol (20, 80+5), mar shikol la thep da u Bani Ioo Shadap (36), Ebanskhem Nongtdu (50), Shemphang Phalangki (75) bad shikol ka dei ka own goal Jngaiki Lyngdoh (27).

Na kaliang ka Phramer ia kitei ki lai kol la thep da u Francis Sumer (34), Riki Suchiang (63) bad u Shibormi Suchiang (70).

Haka jingikahun quarter final kaba khatduh ka West madan Mustem kala jop 2-1 iaka Panaliar. U Sumioo Tariang ka West Madan Mustem marwei ula thep ia kitei ki 2 kol (3, 77). Shikol ka Panaliar la thep da u Obram Sumer (59)

Da kane ka namjop ka Iawmulong Nartiang kan aireng pyrshah iaka Khliehiongriang, katba ka West Madan Mustem kan iakhun pyrshah iaka Mookyndur. Ka jingiakhun semifinal ba nyngkong kan long haka 8 tarik bad ka semifinal kaba ar kan long haka sngi kaba bud.