Ka ID Card ki Waheh Shnong tang kum ka kot song shana

Syllad | The Rising MeghalayaAugust 7, 2020

Ka Synjuk Waheh Shnong Ri Jaintia (SWSRJ) kala pynpaw ka jingbynniaw halor ka jingai ID card kaba tang dep rukom ka Jaintia Hills Autonomous District Council (JHADC) iaki waheh shnong kiba kala ai sanad.

Ka SWSRJ kala kynthoh ba kane ka ID card kaba ai ka JHADC iaki waheh shnong kam don wat tang ka seal ne muhor ha baroh ar kylla ka ID card bad ka long tang ka kum ka kot song shana kaba ym don jingmut haei haei ban pyndonkam ia ka.

“Kane ka jingai ID card tang dep rukom ka JHADC ka pynpaw ba ki waheh shnong kim don dor ha khmat ka konsil. Kane ka ID Card ka dor jong kalong T.100,” la ong u president ka SWSRJ u Army Lypon.

Ym lar kam ka aiñ ba pynkup bor iaki Waheh Shnong ong ka BJP

“Haka jingshisha ka ID card ka dei ban kaba dei ban pynithuh ia u waheh shnong, hynrei ha kane ka dur kata ka jingpynkup bor iaki waheh shnong katkum ka Jaiñtia Hills Autonomous District (Establishment of Elaka and Village and Election, Appointment, Powers, Functions and Jurisdiction of Dolloi, Sirdar and Waheh Shnong) Act, 2015 ka long kaba lehnohei. Ngi la pan ia ka ID na ka konsil ban pynsuk ia ka rukom treikam ki waheh shnong khamtam ha kum kane ka por ka saw ka sain ka jylla na ka jingiakhun iaka khlam Coronavirus kaba ki shem jingeh bha namar haba pynjari korphiw.

Ngi la dep ai iaka nuksa jong ki Id card ruh sha ka konsil, hynrei ka jingai jingmut jong ngi ym shym la pdiang,” ong u nongialam ka SWSRJ.