Ka Inter School Badminton Championships naduh 7-10 tarik Jymmang, wer ka WJDBA iaki skul ban shimbynta

Syllad | The Rising MeghalayaApril 11, 2024

Ka West Jaintia District Badminton Association (WJDBA), Jowai kala pyntip ba kan pynlong iaka 17th Inter School Badminton Championships 2024.

Kane ka Inter School Badminton Championships kan sdang naduh 7 tarik Jymmang bad kan kut haka 10 tarik Jymmang ha indoor hall ka Seiñraij Jowai ha Tpep Pale, Jowai. Ki jingialehkai kin sdang naduh ka por 9.15 mynstep haduh 5 baje janmiet.

Ki kyrdan ialehkai ki kynthup iaka Under-13, Under-15 bad Under-17 kynthei bad shynrang kumjuh bad ka double’s. Ki nongiashimbynta kim lah ban ialehkai palat iaki ar tylli ki kyrdan, ong u kyrwoh na ka WJDBA

Ka tarik ba khatduh ban pynpoi iaki kyrteng kan long haka 4/5/2024 hapoh ka por 6 baje janmiet.  

Ka WJDBA kala khot bad wer iaki school kiba don ha rilum Jaintia ban shimbynta ha kane ka lympung ki khynnah skul. La kyntu ruh ia baroh ki nongiashimbynta ban pynshisha iaka rta jongki da Aadhaar lane ka Birth Certificate.

Iaki jingtip ba kham bniah phone ha kine ki number 93661-15391/ 94361-15084