Ka jabieng ruh ka donkam jingbam: P Kynjing Dolloi Jowai

Syllad | The Rising MeghalayaMay 22, 2022

Haka jingïalang ban pynlait paidbah Ϊa ka kot ha ka ktien Khasi kaba kyrteng “Ki Kjat Jingshai ka mynnor.” U Pa Dolloi ka Elaka Jowai u ma Puramon Kynjing ula kyntu ïa ki paidbah ba kin pynmyllien ba pule kot khnang ban pynproh ïala ka jabieng. Ula ong shuh shuh ba ngi bam jingbam ban pynkdang ïaka met bad thied ki sopti ban pynitynnad ïa ka longrynïeng jong ngi, hynrei ngi dei ruh ban pule kot ban pynkhlañ ïala ka jong ka pyrkhat pyrdañ.

Ïa kane u Dolloi ula kren ha ka jingïalng ban plie paidbah ïa ka kot bala thoh da u Dr HH Mohrmen kaba la long ha ka 21 tarik u Jymmang ha ïngskul HK Singh Memorial Secondary School, Jowai. U Pa Dolloi ha ka jingkren jong u kum u kongsan ula ong ruh ba ula pule ïa kane ka kot bad kala lah ban pynkylla ïa u bad u ong ba kane ka kot ka dei u thiar jong ka jingtip shaphang ka mynnor kaba la leit no.

Dr Mohrmen haka jingkren lamkhmat jong u, ula ong ba kine ki jingthoh ki dei shibynta jong ka prokram haka All India Radio, Shillong bad u ai khublei ruh ïa ki nongtrei hapoh kane ka steshon kiba la ai mynsiem ïa u ban pynmih ïa kine ki jingthoh. Ha kane ka kot ki don ki rukom (tradition) kiba la jan duh artad, ki khanatang kiba ym pat ju ïathuh koit ba kiwei pat ki jingthoh kiba ïa dei bad ka jaidbynriew.

U ma Wasalan E Dhar uba long u Secretary jong ka Khasi Author Society, Jowai unit, ula kyntu ïa ki paidbah ba kin thied ïa ki kot khnang ba ki nongthoh kin ïoh mynsiem. Ula ong ruh ba ka kam thoh kot kam dei kaba suk, kumta ki nongthoh kot ki donkam ïa ka jingkyrshan bor jong ki paidbah nongpule.

Ka kong RM Khonglah kaba long ka nonghikai jong ka Thomas Jones Synod College, Jowai, haka jingkren jong ka kala ong ba haba nga pule ïa kane ka kot kaba u Dr Mohrmen ula ai ba ngan peit ban pynbha, nga lap ba nga la ïoh jingmyntoi shikatdei eh na kane ka kot.

U ma MM Thaiang uba long ruh u vice President ka Khasi Author Soceity Jowai unit ula ong ba kum ka jaitbynriew ngi dei ban pynmih shibun ki kot khnang ba pynheh pynkhraw ïa I thiar ka thoh kot jong ngi. Kane u ong kan ïarap ban pynsuk ba ka ktien Khasi kan ïoh ïa ka jingithuh da kaba rung ha ka khynrnit kaba phraw jong ka riti synshar. Hashwa jong ka jingïalang la ïoh ïa ka jingduwai da u Rev S.Laloo pastor ka Balang Unitarian, Jowai bad ïa ki kyntien ai khublei l tyrwa da ka Mattimi Passah kaba long ka khun jong u Dr Mohrmen.