Ka jaka Ïong Ka Skot ka hap ha u pud ka Panaliar

Syllad | The Rising MeghalayaMarch 24, 2021

Ka Ïong Ka Skot ka jaka ba thmu ban pynlong ïaka tamasa kaba tip kum ka Syntu Ksiar Musical Concert kadei ka jaka ba hap hapoh u pud u sam jong ka Dorbar Shnong Panaliar.

Ïa kane la pynshai da u General Secretary jong ka Dorbar Shnong Panaliar u Careme Phawa hadien ka jingkam jong ka Dorbar Shnong Chyrmang Neiñ ba kadei ka jaka ba hap hapoh ka jingpeit jong ka.

Naduh mynshwa kino kino ki kam kiba ïadei bad ki jingshna jingtei, ki jingpynlong ïa kino kino ki tamasa ne kino kino ki jingialang paidbah ha katei ka jaka, ïaka NOC la ai beit da ka Dorbar shnong Panaliar haduh ki sngi ba mynta, la pynshai shuh shuh u Careme Phawa.

“Ngi lyngngoh halor kane jingkam ka shnong Chyrmang Neiñ ïa katei jaka namar ba katkum ki kot ki sla kane ka jaka ka hap hapoh u pud u ang ka Panaliar,” la ong u ma Careme bad u kyrmen ba ka musical concert ka ban long haka 03-04-2021 kan long kaba ïaid beit ïaid.