Ka jing rakhe ia ka sngi “World Polio Day 2021”

Syllad | The Rising MeghalayaOctober 24, 2021

Rotary International ka rakhe ia ka ‘World Polio Day’ ha ka 24 tarik jong u bnai October. Mynta u snem ka phang ka dei “Delivering on a Promise”, kaba mut “Ngin Pyndep la ka Kular”. Kane ka don jingmut bha, namar ba ha u snem 1985 ka Rotary International ka la kular ban pynduh jait ia ka Polio na ka pyrthei.

Shuwa ban ioh ia u Polio drop baroh kawei ka pyrthei kala shah pynjulor bha ha u Polio. Ki khyllung kiba hapoh ka san snem ki ioh pang iap shilliang, dkoh ha ka met, ka jabieng ne bor pyrkhat.

Dei ha u snem 1985 ynda ka Rotary International bad kiwei de ki san tylli ki seng jong ka pyrthei ki la rai kut ban pynduh ia u Polio, ki member jong ka Rotary International ki pynmih pisa da ki Billion Dollar ban thied dawai Polio ban ioh ai ei ha ki nongshong shnong ka pyrthei. Ia kane ka programme la khot ka “Polio Plus”

Ka ri India lyngba kane ka Polio drops kala lah ban rat tyngkhong ia u Polio ha u snem 2026.

Mynta don sa tang lai tylli ki ri kiba dang don ia une u jingpang. Ka Afghanista, ka Pakistan bad ka ri Nigeria. Kine ki Ri kim pat lah ban pynduh jait na ki daw ba bun. Ka Rotary International ka khlem shong thait bad ka dang trei tyngeh shuh shuh ha kine ki ri. Ka don ka jingkyrmen kaba shkem ba shen yn sa lah ban pynduh tyngkhong ia u Polio ha kitei ki ri bad yn sa lah ban ong ba ka pyrthei ka la lait na u Polio.

Ka ri India ka dang iah ai ia u Polio drops ha u January man u snem, namar ioh don ka jingsaphriang na kine ki ri kiba ia jan eh bad ngi. Ka thong ka long ba ha u snem 2026, dei ban ioh ban pynbna ba ka pyrthei ka la lait na ka jingpang Polio. Ia kane yn sa pynbna lada ym don jingpang Polio shuh naduh u smen 2024.

Rotarian Dr. Judita Syiemlieh,
President 2018-19, Rotary Club of Orchid City Shillong