Ka jingai sngewbha kam dei ka kamram, ka dei ka kabu ksiar: Dy SP CW Lyngdoh

Syllad | The Rising MeghalayaApril 7, 2020

Ka Deputy Superintendent of Police (Crime) Kong Cresency W Lyngdoh MPS kala ong “Ka jingai sngewbha kadei kam dei ka kamram, hynrei ka dei ka lad bad ka kabu ksiar.”

Ka Kong Cresency Lyngdoh kala kyntu ïa baroh ban don ka mynsiem ban ai bad ban ïarap ïa kiba duk ba kyrduh ha kum kane ka por ba jynjar ka kamai ka kajih namar ka jingkhang khyrdep ban ïakhun ïaka jingïabit ka khlam Coronavirus ha baroh kawei ka ri.

Ka Kong Cresency kala ong haba kren haka jingsam marbam sha kiba duk ba suk ha ka shnong Mookaswan, Nangbah bad kiwei kiwei ki shnong haka sngi Nyngkong.

Ki Pulit jong ka West Jaiñtia naduh ba sdang ak Lockdown ne ka jingkhang khyrdep haka ri baroh kawei kila hiar ha manla ki shnong ban sam marbam sha ki longïing ba duk naduh na Raliang, Phramer, Ialong, ki jaka sah khynnah nalor kiwei kiwei ki shnong.

Shuh shuh ka Jowai Poilice Station hapoh ka jingïalam u OC Jowai kila hiar sha ka shnong Sohmynting ban ai jingïarap sha ki 12 tylli ki longïing haka jingiadonlang ki nongshong shnong bad nongialam shnong ka Shnong Sohmynting.

U Superintendent of Police West Jaiñtia Hills District Bah Lakador Syiem hynne kaba dei ka sngi kyrpang jong ka koit ka khiah-ka World Health Day ula ai khublei ia baroh kiba don bynta ban ai jingsumar ban pynioh ïaka met kaba koit kaba khiah.