Ka jinghikai halor ka ktien Khasi

Syllad | The Rising MeghalayaOctober 21, 2022

Ki nonghikai na ki skul bad kolej bapher bapher ka sor Jowai ki la wan ïashim bynta haka jingai jinghikai ba kyrpang ne Workshop ba shisngi halor ka phang “Ka rukom hikai ïaka ktien Khasi haki jaka pule”.

Ïa kane ka Workshop la pynlong da ka Khasi Department jong ka Thomas Jones Synod College, Jowai ha Hall ka Thomas Jones Synod College haka sngi Palei.

Ka riew shemphang ki long ka Prof. Dr Antoinette Kharmalki, North Eastern Hills University (NEHU) kala batai bniah halor ka phang “Ka Kara Ktien ha ka ban hikai ïaka ktien Khasi” bad haka sien shong ba ar ka la ai ka ai jingbatai halor ka phang “Ka jingthew ïaka jinglah ki nongpule.

Ka Kong Balarishisha Nongkynrih Assistant Prof Shillong College, ka la kren halor ka phang “Ki buit Hikai bad haka sien shong ba ar ka la ai ka jingïasyllok halor ka phang “Ka jingpynshongdor ïaka Ktien”.

Ka jingthmu jong ka jingai jinghikai ka long ban kyntiew ïaka rukom thoh, rukom kren rukom kynnoh jong ki khynnah bad samla pule bad ka daw ka jingpynlong ïaka jingai jinghikai ka long ba ki nonghikai ki lap ïaka jingduna haki nongpule.

Prof. Dr. Antoinette Kharmalki haba batai bniah iaka mat kaba ka kren halor ka “Ka jingthew ïaka jinglah ki nongpule”, kala ong ba ka jinghikai mynta kala ong ba kum ki nonghikai dei ban ithuh iaka jinglah jong ki samla pule ban pule.

Ka Kong Antoinette kala batai iaki artylli ki rukom hikai kynthup ka Humanistic Approach bad Traditional Approach.

Ka humanistic approach kadei kaba dang shu sdang haki 90, 80s kamut kumno phin approach lane ithuh ïaka dor jong ki nongpule bad ka sap ki nongpule.

Kala ong ki nongpule ki don laka jong ka sap pule ba buit, kum ki nonghikai Khasi bad ki nonghikai ia kiwei kiwei ki subject dei ban ithuh ia kata ka jinglong u/ka nongpule.

Ym lah ban ong ba baroh ki khynnah skul ki long kiba biej, hynrei ki nonghikai ki dei ban wad ki lad ki lynti ban pynjem iaka jingeh ki khynnah ban pule.

Mynshwa ka rukom hikai ne ka traditional approach la niew ba u nonghikai, kaei kaba ong u/ka nonghikai kaba dei suda. Hynrei mynta u nonghikai u dei u nonglam lynti bad u ban pynshlur iaki khynnah bad dei ban ailad iaki khynnah ban iathir sani ia kano kano ka mat bad u nonghikai, kala ong ka kong Kharmalki bad bynrap ba ka jinghikai kaba mynshuwa ka kamra klas kalong kaba jar jar, hynrei haka humanistic approach ka kamra klas ka ailad iaki khynnah pule ban iakylli jingkylli bad u nonghikai.

Humanistic approach ka ailad ia ki khynnah jied iaka jingpule bad ki jingangnud katkum ka jingsngewtynnad kam dei shuh katta ka teacher-centered approach, kaba mut ba u khynnah pule un shu sngap iaka jingbatai u nonghikai, kala ong kong Kharmalki bad ong shuh ba da kaba thew woh iaka jinglah u/ka khynnah pule lah ban ioh ia u soh.

Ïaka jingai jinghikai la phiah haki ar bynta, ka sien shong ba nyngkong ba la pynïaid da u Bah EM Umlong bad haka sien shong ba ar la pynïaid da ka Kong RM Khonglah kiba dei ki nonghikai jong ka Thomas Jones Synod College.