Ka jingiaid lynti ka Jowai Constituency, hato ka history kaba rim kan wan jia biang?

Syllad | The Rising MeghalayaJanuary 29, 2023

U Dr RC Laloo u dei uwei na ki ba paw bha haka kam sain hima sima jong ka jylla naduh ba ula jop kum u MLA haka snem 1983. Ula jop san samoi kum u MLA ka Jowai bad ula bat ruh iaka shuki Deputy Chief Minister ka Jylla.

Ka sien kaba ula jop 3 sien kynthih kalong naduh ka snem 1983, 1988 haduh 1993. Ula wanphai biang ha u snem 2008 bad 2013.

U Ma Roy 10 snem ula jah na ka sain hima sima hadien ba ula shah rem ha u (L) Sing Mulieh uba la jop ar sien kynthih naduh ka 1998 haduh ka 2003. Kata na ka ishu Municipal, kaba u Ma Roy ula thet kti ban kren hadien ba ula wanrah Jowai Municipal.

Shuwa kane u ma Sing Mulieh ula long u MDC ha JHADC naduh u snem 1978 to 1994. U Ma Mulieh ula bat ruh iaka shuki Chief Executive Member bad kiwei kiwei ki post.

U ma Sing Mulieh ula sdang ban iakhun iaka elekshon sha ka iing dorbar thawaiñ ka Jylla ha juh u snem ba u Ma Roy ula jop nyngkong, katta ha u snem 1983 kum u kyrtong Independent. U ma Sing Mulieh ula iakhun biang iaka elekshon kaba ar jong u ha u snem 1988 bad 1993 kum u Independent candidate.

Dei haka pali kaba saw ba u ma Sing Mulieh ula jop kum u MLA pyrshah ia u ma Roytre ha u snem 1998 bad kaba u jop ba ar dei ha u snem 2003. U Ma Roy ula wan biang kum u MLA ha u snem 2008 bad 2013.

U Ma Moonlight Pariat uba la long kum u MDC ba pawkhmat bha ka JHADC ula iakhun iaka elekshon kaba nyngkong jong u ha u snem 2008 na ka NCP, kaba ar ha u snem 2013 kum u kyrtong IND bad kaba lai ha u snem 2018 naka UDP. Ula long kum u MDC JHADC naduh u snem 1994 kaba ula jop kum u kyrtong Congress. Nangta ula jop biang ha u snem 1999, 2004, 2009 bad 2014 kum u MDC ka UDP.

Ha u snem 2009, u ma Moonlight baroh san snem ula shong marwei haka liang pyrshah ha JHADC. Ha u 2014 shuwa ban kut ka samoi jong ki MDC katta ha u snem 2018 ula bat ruh iaka shuki CEM. Ha u snem 2019 pat ula shah rem noh kum u MDC.

Mynta ka kynti ka dei ka pali kaba saw jong u ma Moonlight Pariat ban aireng haka MLA Election na Jowai Constituency.

Ka jingkylli uba bun ba lang hato ka history kaba la jia ha u (L) Sing Mulieh kan wan jia biang ha u Moonlight Pariat ha Jowai Constituency.

U Ma Andrew Shullai pat ula long MDC ar term bad ula iakhun iaka MLA elekshon MLA ha u 2018 bad shah rem. Ula bat ruh shipor iaka shuki CEM ha JHADC.

Uwei pat u kyrtong uba dang thymmai bha ha kam sain hima sima u dei u ma Daniel Dann u ophisar ba shngthait ka tnad sports, uba la rai mih madan ban aireng ha kane ka election MLA 2023 na ka Congress. Hato u Ma Daniel Dan tang hapoh shibnai u lah ban lum ban lang ia ki paid ka Congress kiba la ju kyrshan pura ia u ma RC Laloo.

U Ma Roy u radbah ka Congress ula iehnoh iaka active politic ne ban shimbynta haka politic ha kine ki khyndiat snem, hynrei ha kane ka kynti ula mih madan ban ban kyrshan pura ia u Andrew uba iakhun na ka TMC (Trinamool Congress) bad ka ishu kaba hakhmat kaba u kren pat ka dei ka ishu ñiut bad kane ruh ka dei ka ishu Municipal.

Katba u Ma Wailadmiki Shylla u kyrtong NPP bad MLA ba mynta un iakhun iaka elekshon kaba ar ka jong u.