Ka jingiakhih pyrshah CAA kala iada na ka jingsar u COVID-19 ha NE ong ka KSU

Syllad | The Rising MeghalayaMay 7, 2020

Ka Khasi Students Union Khliehriat Circle kala kner la ka kti jingirap jong ka da kaba leit ban sam ia u Khaw haka shnong Jalaphet, East Jaintia Hills kum shibynta ban iarap iaki longiing kiba duk bad kiba shem jynjar naduh ba treikam ka jingkhang khyrdep haka sngi Balang.

Ha kane ka jingsam marbam ka KSU Khliehriat la iadonblang ki dkhot ka KSU Jalaphet Unit, u Waheh Shnong ka Jalaphet Bri Sumer u Ma Wom Chyrmang, u President ka KSU Khliehriat Circle u SS Niangti, bad u President ka Jalaphet Unit u Emmon Chyrmang.

Ha kane ka ka sngi la sam ia u khaw sha palat 40 tylli ki longiing baduk katei la shnong .

Haka jingkren haka jingialang lyngkot u SS Niangti ula ong ba ka KSU ka sngewkmen ban ioh kum kane ka lad ban iarap iaki paradoh parasnam kiba duk ha kum kane ka khep kaba ki paidbah ki mad iaka jingeh.

Ula ong ruh ba ka KSU mynta lyngba ki tnad treikam ki jong ka kylleng ki la leit ban ai iaki jingiarap iaki paradoh parasnam kaba long kum shibynta ban ia kyrshan iwei ia iwei pat

U SS Niangti ula ai khublei kyrpang ruh ia ki paitbah jong ka Bri u Hynniewtrep kiba kyrshan dohiap dohim ia ka KSU ha kine ki bnai kiba ladep halor ka jingiakhih pyrshah ia ka aiñ CAA hapoh ka jingialam u Bah Samuel B.Jyrwa kum U Chairman jong ka NESO bad ki paralok sengbhalang jong ka Thain Shatei Lammihngi.

Haba ai jingkren shaphang ka jing mih jong une u khlam jingpang ia uba latip kum u Coronavirus (COVID-19), u SS Niangti ula ong lada ym don ki jingiakhih CAA jong ki paid riewlum jong ka Thain Shatei Lammihngi ne North East (NE), ym tip shuh kaei ban jia ia kane jaidbynriew rit paid bad kane ka thain.

“Ngi long kiba donbok haduh katta katta lyngba kane ka jingiakhih CAA jong ki seng bapher bapher ha North East hi baroh kawei, kala khanglad iaki nong wan jngoh kai phyrthei ba kim ioh lad shuh ban rung sha ka jylla jong ngi bad sha ka thain Northeast hi baroh kawei bad kane kalong kawei na ki lad kaba la iada ia ngi na u ne khlam uba ia bit na u wei u briew sha u wei briew bad uba la sar ha baroh kawei ka pyrthei,” ong u SS Niangti.