Ka jingiakob ialehkai online chess ha ka 17 tarik

Syllad | The Rising MeghalayaJuly 14, 2021

Ka Meghalaya Chess Association (MCA) ryngkat ka Khasi Students’ Union (Central Body) kum ka jingrakhe ia ka lyngkhuh sngi iap ba 186 jong u Tirot Sing Syiem, kan pynlong iaka Online Chess Championship ha ka 17 tarik Naitung (July), 2021 ha ka rynsan jong ka tornelo.com.

U Bah Bonney J. Kharbani, general secretary MCA, ula ong kane ka jingiakob kan don ar bynta – kaba ia baroh (open category) bad ia kiba hapoh ka rta 10, 12, 14, 16 bad 18 snem. Ki nongjop kin ioh ka buskit pisa bad ki syrnot.

Yn pynlong iakane ka programme da ka swiss system ba hynriew wat bad ka por ka long 10 minutes 5 sekhon man la ka round.

Kiba kwah ban ia shim bynta kin hap pynrung kyrteng (register) ha ka tornelo.com haduh ka 16 tarik Naitung, 2021 bad wad ha U Tirot Sing Online Chess Tournament ban ioh rung.

Lada kwah ki jingtip ba kham bniah, lah ban sms ha u number 8258898775 lane lyngba ka email – [email protected].

Baroh ki nongiashim bynta ba la dep pynrung kyrteng kin ioh ia ka link ban iashim bynta ha kane ka jingiakob ka ban sdang ha ka por 12 baje mynsngi jong ka 17 tarik Naitung (July), 2021.