Ka jingialang ialap elekshon u Ma VH Pala kyrtong Congress ha Mihmyntdu bad Ladthadlaboh mynta ka sngi

Syllad | The Rising MeghalayaApril 15, 2024

Ka party Congress kan pynlong ia ka Public Meeting ha ka 15 tarik Iaiong 2024, mynta ka sngi ha ki ar jaka ha ka shnong Mihmyntdu bad Ladthadlaboh, West Jaintia Hills District. Kine ki ar tylli ki jingialang ki long ha Mihmyntdu haka por 5 Pm bad ha Ladthadlaboh haka por 6 Pm.

Ha kane ka meeting yn ia donlang u MP ma VH Pala, kyrtong ka seng Congress. Nalor u MP yn ia don lang ruh ki MLAs, MDCs bad kiwei kiwei de ki nongialam ba ha khmat jong ka Party, kin pynshai kham bniah ia ka nongrim trei kam jong ka seng Congress ha kane ka election MP Lok Sabha 2024.

Kumta, ka seng ka khot sngewbha ia ki nongshong shnong jong ka Mihmyntdu bad ka sor Jowai baroh kawei ban pyllait por khnang ban wan sha kine ki meeting ba phin iohsngew da ka ki shkor ia ki jingpynshai jong ka party.

Haka juh ka por, ka seng ka kyrpad ruh ia baroh ki paitbah ba don markhap bad ka sor Jowai ban ia wan ryntih lang sha ki tei ki meeting.

Kane ka long katkum ka jingpyllait khubor u General Secretary, West Jaintia Hills District Congress Committee & Secretary Election Campaign.