Ka jingialang paidbah ka Synjuk Waheh Shnong Ri Jaintia haka 29 Jylliew, yn kren iaka bhah kam bad ka jingphiah constituency

Syllad | The Rising MeghalayaJune 24, 2024

Ka Synjuk Waheh Shnong Ri Jaintia kala pynbna paidbah ba kan pynlong iaka Dorbar bah General Meeting haka 29 tarik Jylliew ha District Library Auditorium Mynthong Jowai haka por 11.00 baje mynstep.

Kumta ka Synjuk ka la khot ka wer ia baroh ki Waheh Shnong jong ka Rilum Jaintia na ki artylli ki District ka East Jaintia Hills District bad West Jaintia Hills District ban ia wan khnang khnang sha kane ka Dorbar bah khnang ban ioh ban ia ai jingmut ne iathir jingmut lang.

U General Secretary SWSRJ Ma Kampher Pohlong ula pyntip ba ha kane ka Dorbah bah ki mat ban iakren iapyrkhat ki long, ka bhah thung kam thung jam ne Reservation Policy, ki kam khappud, ka jingpynthymmai iaki MDC Constituency ne Delimitation MDC Constituency’s nalor kiwei kiwei.