Ka jingialang paidbah Seng Kur Khonglah Pyllun ha Amlarem

Syllad | The Rising MeghalayaOctober 11, 2023

Ki lai ngut ki convener kiba kynthup ia u Ma Donstan Khonglah, u Ma Phrangsngi Konglah bad u Ma Bayou Bijoy Konglah kila pyntip paidbah ba ka jingialang jong ka Seng Kur Khonglah Pyllun (Khasi & Jaintia) kan long haka 21 tarik Risaw 2023.

Ha u kyrwoh bala phah kine ki rangbah kila pynpaw “Da ka ne nga sngewbha ban khot in phi ki Para Kur Khonglah sha ka jingialang jong ka Seng Kur Khonglah na ka bynta ban seng iaka Seng Kur Khonglah Pyllun ha baroh kawei ka Ri Khasi Jaintia etc. ka ban sa long ha Amlarem War-Jaintia ha ka Tarik 21.10.2023 ha ka por10.30 am. (mynstep) ha Enowell Hall, Amlarem West Jaintia Hills.”

Kumta sngewbha ban wan khlem pep khnang khnang bad ban iawerlang ia ki para kur kiba don ha shnong jong phi ba ka kam bad ka jingthmu jong ka kur khonglah kan long kaba iaid beit iaid ryntih, la ong kine ki rangbah.

Agenda:-

1. Ban dup ia ithuh ithaw iaki Para Kur

2. Ban seng iaka Seng Kur Khonglah (Khasi &Jaintia etc)

3. Ban jied iaki nongkit kam ba pura jong ka Seng Kur Khonglah.

4. Ban pynskhem iaki nongkit kam.