Ka jingiap shah bat bording ki shipara ka dei ka jingthmur ka MeECL ong ka KSU

Syllad | The Rising MeghalayaMarch 11, 2021

Ki saw tylli ki tnad ka Khasi Students’ Union (KSU), ka Iooksi Unit, Umsalait Unit, Priang Unit, bad Saphai Unit kiba hap haka Laskein Block kila pynrem jur iaka tnad pynmih bording- ka MeECL halor ka jingleh thumur bad torti jong ka khlem da peit da sylli iaka ki wire bording kat haduh ba ka bording kala shim iaka jingim jong ki ar ngut ki shipara haka shnong Umsalait, West Jaintia Hills haka sngi Balang.

“Ka jingleh thumur bad torti jong ka tnad MeECL khamtam ka jingbym tista ban maramot bad jurip iaki Post Light man ka por, ka dei ka dawbah kaba wanrah ia kane ka jingjia ba sngewsih ha ka shnong Umsalait,” la kynnoh ki nongialam ka KSU.

Ki nongialam ka KSU kila ong “Bunsien ngi shait iohi ba ha ki thaiñ nongkyndong ka tnad pynmih bording kajuh khein sting bha khamtam ban maramot iaki Post Light bad ngi shait iohi ruh ba bun ki Post Light kiba lah jan khyllem na ba bam sarang na trai u Post Light bad la donkam ruh ban maramot noh, hynrei haba leit ud sha kibor badei peit kim ju shah shkor.”

Iap ar ngut ki shipara ba shah bat bording ha West Jaintia Hills

“Ka jingtrei torti bad ka jingbymbiang ka rukom pyndait ia u ‘Pin Insulator’ kala pynlong ia u wire bording ban lait na u ‘Pin Insulator’ bad iadei ha u post light kaba la pynlong iaka bording ban sam lyngba u post bad bat ia kine ki ar ngut ki shipara” la kynnoh ka KSU.

Ngi dawa jur naki bor sorkar khamtam ia u Myntri ka tnad pynmih bording ban siew bai lutksan (Compensation) noh mar mar ia katei ka longiing. Ka KSU kan sa buddien ia kane ka kam tad haduh ba kiba ha ïing kitei ki khynnah kin ioh iaka hok ka jong ki.