Ka Jingïaseng Samla KJP Synod Mihngi ba 17 ha Wapung

Syllad | The Rising MeghalayaMarch 7, 2019

JOWAI: Ka Jingïaseng Samla kaba 17 jong ka KJP Synod Mihngi kan long ha Balang Wapungskur, East Jaiñtia Hills. Kane ka jingiaseng kan sdang naduh ka sngi Thohdieng bad ki dkhot ka Balang baroh ki la dep ban pynkhreh nadong shadong ban pdiang ïa kane ka jingïaseng kaba heh jong ka Balang Presbyterian.

Ka khubor kaba la ïoh na u Pastor T Dkhar, uba dei u Pastor In charge ka Balang Wapung, u la ïathuh ba kane ka jingïaseng samla ka KJP Synod Mihngi kan kut ha ka sngi U Blei bad ha kane ka sngi, ki nongïathuh khana lane nongkren ba kyrpang ki long u Pastor BD Shangdiar u ban ai ka jingkren ha ka jingïaseng paidbah haka por 10:00 mynstep bad u Pastor SG Ryngksai ha ka jingïaseng nohphai sngi kaba 1:30 pm katba u Pastor EL Kharmawphlang pat un ai ka jingkren halor ka subject ba la buh ha ka jingiaseng por 6:30pm.

Na ka liang ka Balang ka la mana ïa kino kino ki ba wan die jingbam sha katei ka jaka.

Ha kajuh ka por ka Balang ka khot ka wer ia baroh ki para ba ngeit na kiba lang bapher bapher bad kiba na kiwei pat ki Balang sha katei ka jingïaseng ba kin ioh ka jingkyrkhu na u Trai.